Nakisumaro sa 2025 midterm election ngunyan na aldaw nin Lunes an kadakol na mga persons deprived of liberty (PDLs) gikan sa manlaen-laeng kulungan asin man penal farms sa nasyon, susog sa Bureau of Corrections (BuCor).
Maabot sa 4,125 PDLs an rehistradong botante, kun saen 2,135 an gikan man sa New Bilibid Prison (NBP).
Kabali man sa mga lugar na may mga botanteng PDL iyo an Davao Prison and Penal Farm (924), Leyte Regional Prison (421), San Ramon Prison and Penal Farm (290), asin Iwahig Prison and Penal Farm (140).
Igwa man 123 botante sa Correctional Institution for Women (CIW) sa Mandaluyong asin man 92 gikan sa CIW-Mindanao.
Sinaysay kan BuCor na tinugutan an pagboto kan mga PDL na presenteng nililitis, siring kan may sentensiyang kulang sa sarong taon, asin man an mga may kasong pwede na i-apelar pa o may koneksyon sa rebelyon, sedisyon, o mga krimen laban sa pambansang seguridad.
Mientrastanto, inatendiran kan mga foreign observer an botohan sa mga kulungan, sa tabang man kan BuCor personnel asin mga opisyal kan Comelec-Muntinlupa. Present man si Commission on Elections (Comelec) Chairman George Garcia.
