Nagduman si First Lady Louise “Liza” Araneta-Marcos sa New Bilibid Prison (NBP) kan Oktubre 20, 2026, tanganing mag-atender sa programang “Kulay, Kalinga, Katarungan at Kalayaan” para sa mga Persons Deprived of Liberty (PDL).
Kagabsan na 44 na Persons Deprived of Liberty (PDL) an pinalaya sa New Bilibid Prison (NBP) bilang parte kan programang “Kulay, Kalinga, Katarungan at Kalayaan” na an katuyuhan iyo an pagpakusog kan rehabilitasyon asin pagtao nin importanteng serbisyo sa mga persons deprived of liberty.
Sa pamamayo kan Bureau of Corrections (BuCor), sa irarom ni Director General Gregorio Pio P. Catapang Jr., isinagibo an manlain-lain na aktibidad na kaiba an art workshop, serbisyong medikal, tabang pangkabuhayan, asin legal assistance.
Kagabsan na 857 PDL an natawan nin serbisyong legal sa tabang kan 227 boluntaryong abogado, mantang 427 an nakaresibe nin serbisyong pangkalusugan asin pangkabuhayan. Mantang, 43 PDL an nagpartisipar sa mga leksyon sa pagpinta bilang parte kan saindang personal na pag-uswag.
Sa 44 na pinalaya, saro an natabangan sa paagi kan legal assistance sa irarom kan Katarungan program.
