Pig omaw ni Department of Education Secretary Sonny Angara an mga paratukdo asin man iba pang poll watcher’s para sa matrayumpo na 2025 midterm elections.
Sa sarong pahayag, sinabi kan sekretaryo na an commitment kan mga personnel kan ahensiya na maserbisyo an nakatabang tangani man masiguro an pakarhay na pagsasagibo kan halalan sa bilog na nasyon.
Sigun pa ki Sec. Angara na an mga ini an bako sana mga pogkokonsiderar na public servants kundi sinda an mga frontliners kan demokrasiya.
Sigun sa DepEd, maabot sa labi sa 660,000 personnel an nagsirbi sa midterm elections kan nakalihis na aldaw nin Lunes, Mayo 12. Sa pangkabilugan, nasa 758,549 poll workers an idineploy sa bilog na Pilipinas.
Mientrastanto, nakapagrehistro man an DepEd Task Force nin 603 na isyung may kinaraman sa halalan gikan sa saindang 24/7 command center.
Kabali na digde an pumalyang automated counting machines, iregularidad sa mga balota asin resibo magin an concern sa listahan kan mga botante.
Kadaklan sa mga report an gikan man sa Metro Manila asin BARMM. Sa ibong man kaini, naenot man ng inihayag kan DepEd na natawan nin tulos na kasimbagan an mga ini sa pakikipag koordinar sa Comelec asin man iba pang mga ahensiya kan gobyerno.
