Pigtugotan kan Pasay City Regional Trial Court na magpiyansa si Leo Gonzales, an SUV driver na embwelto sa nakagagadan na aksidente sa NAIA Terminal 1, makalihis magbayad nin P100,000 bail.
Nahahampang ini sa kasong reckless imprudence na nagresulta sa double homicide, matinding danyos sa lawas asin pagkaraot kan pagrurugari huli sa insidente kan Mayo 4, 2025.
Sinaysay kan Manila International Airport Authority (MIAA) asin Philippine National Police Aviation Security Group na nakaresiber sinda nin impormasyon dapit sa kasugoan kan korte na nagpapalibre ki Gonzales.
Marurumdoman, sinaysay ni Gonzales na ini an nag-panic kan biglang maglataw an saorng behikulo sa hampang kaini, alagad taliwas ini sa CCTV footage nin huli ta mayong ibang behikulo antes an aksidente.
Paramientras na pigsuspender kan Land Transportation Office (LTO) an saiyang lisensya sa laog nin 90 aldaw mantang nagpapadagos an imbestigasyon.
Huli sa insidente, liwat napag-ulayan an mga lakdang sa kasalbadohan sa tinampo, kaya pigsugo kan Department of Transportation (DOTr) an pagsusuri sa mga security bollards sa NAIA tanganing malikayan an siring na trahedya sa futuro.
