Sa kaenut-enuting pagkakataon makalihis an midterm elections, nagmeeting an mga lider kan Kamara antes man an pagpupuon kan 20th Congress sa Hulyo.
Napagaraman na an nasambitan ng pag urulay kan Biyernes nin hapon na kinundisir sa Shangri-La, Makati an tangani pag ulayan an mga urulay pang administratibo asin mekanismo asin man para masierto an dagos-dagos asin maayos na pagtatapos kan 19th Congress asin an pagpuon kan 20th Congress sa Hulyo 1.
An pag urulay ay inatendiran kan mga presenteng senior leaders asin an mga importanteng personalidad kan Kamara tangani pag ulayan an magigin direksyon kan bagong Kongreso.
Siringpaman an pagpapadagos kan mga ley asin pagsuporta sa Bagong Pilipinas governance agenda ni Presidente Ferdinand Marcos Jr.
Sinaysay man ni Deputy Speaker asin Quezon 2nd District Rep. JayJay Suarez antes an close door meeting na puro administrative matters sana an saindang pag-uulay orog na ta igwa pang tulong taon an 315 congressman.
Importante man soboot na mapuonan nin amay an preparasyon bako kun nuarin nagdadalagan na an Kongreso ay saka pa sana sinda nagbibilog nin organisasyon, dapat soboot sa Hulyo 1 ay puon na an saindang trabaho.
Nilinaw man ni Suarez na an saindang pagtitipon an “meet and greet” sana asin ini man an primerong pagkakataon na naghirilingan liwat an mga lider kan partido makalihis an kampanya.
