Tutugutan na kan Israel an paglaog kan mga primerong pagkakan sa Gaza Strip makalihis an labi duwang bulan na pag-ulang.
An anunsyo pigsagibo makalihis an mahigot na ground operations kan mga kasuldaduhan kan Israel sa Gaza asin an potensyal na pag-uulay sa paramientras na untuk-putukan.
Katakod kaini, pigsaysay ni Prime Minister Benjamin Netanyahu na an Israel tutugutan an paglaog kan mga pangenot na pagkakan para sa mga residentes tanganing dae maglala an problema sa kagutuman sa nasambitan ng lugar.
Marurumduman, enot ng pigsaysay kan opisyal na an saindang pag-ulang sa paglaog kan pagkakan puon Marso 2 an obhetong pasukuon an mga Palestinian militant group, alagad nagpatanid man an UN agencies dapit sa kakulangan nin suplay kan pagkakan, malinig na tubig, gasolina asin bulong.
Mientrastanto, kan nakalihis man na semana pigsaysay ni US President Donald Trump na sinda an matabang sa mga residentes na yaon sa Gaza na nakakaeksperyensiya nin labing kagutuman.
Sa ngunyan, nangapudan man si French Foreign Minister Jean-Noel Barrot sa Israel na tolos na palaugon an humanitarian aid sa Gaza kasunod kan saindang anunsyo.
