Nagpa-abot kan saiyang pasasalamat an aktres na si Maymay Entrata sa paagi kan saiyang social media sa mga tawong nagpa-abot man kan saindang pakikidumamay asin simpatya sa saiya makalihis an pagtaliko sa kinaban kan saiyang Ina na si Lorna.
An post ni Maymay an igwang kaibahan nin video kan kalmadong dagat kun saen madadangog an hampas kan hukol.
Sigun sa aktres an suporta na saiyang nareseber an dakulang marhay na tabang siringman saiyang naaapresyar.
Marurumduman, kan nakalihis na May 16 sa paagi kan sarong emosyunal na Instagram post pigkumpirmar ni Maymay an pagkagadan kan saiyang Ina huli sa helang na cancer.
An Ina ni Maymay an sarong overseas Filipino worker na nagtatrabaho sa Japan alagad nagpuli nin Pilipinas tanganing magsairarom sa treatment.
An pangyayari an kapupurutan soboot nin dakulang adal para sa saiya asin magseserbeng pagirumdom sa dakulang pagkamoot na igwa ini sa saiyang Ina.
Sa ngunyan, pig-enkaminar na sana ni Maymay an publiko na pirmeng padangaton an mga tawo na nagseserbe nindang kusog nin boot partikular an mga magurang, loved ones o bilog na pamilya.
