Nagtao nin kasiguraduhan an Philippine National Police (PNP) na saindang papapunduhon an anuman na paglaog nin iligal na droga sa nasyon.
Segun ki PCol. Allen Rae Co, an hepe kan Public Information Office kan PNP, habo ninda na magin transhipment point an Pilipinas.
An nasambit na pahayag iyo an kasunod kan pagkakadakop nin sarong Pinoy sa Laos na nagprobar na maglaog nin 521 na kilograms nin shabu.
Nagtao nin kasiguraduhan si Co na saindang papakusugon an saindang monitoring asin koordinasyon sa mga seaports asin mga paliparan.
Advertisement
Igwa sinda nin higpit na ugnayan sa Philippine Drug Enforcement Agency (PDEA) asin nagkapirang ahensya tanganing mapugulan an paglaog nin anuman na klase nin iligal na droga.
Advertisement
