Sabay-sabay na nagpatupad an mga kumpanya nin langis nin dagdag-bawas sa presyo kan saindang mga produktong petrolyo.
Epektibo alas-6 nin aga, ipinatupad an P3.01 na bawas sa kada litro nin diesel.
Mientrastanto, nagkaigwa man nin P1.56 na dagdag sa kada litro nin gasolina asin P1.77 na paglangkaw sa kada litro nin kerosene.
Kaiba digdi, inanunsyo ni Energy Secretary Sharon Garin an imbentaryo nin suplay nin krudo kun sain an diesel kayang magtagal nin sagkod 56 na aldaw.
Advertisement
An gasolina man kayang magtagal nin sagkod 53 aldaw, an kerosene sagkod 147 aldaw, asin an LPG sagkod 31 aldaw, base sa presenteng suplay.
Advertisement
