Pigsunadan kan Department of Justice (DOJ) nin 62 counts nin money laundering cases si dismissed Bamban, Tarlac Mayor Alice Guo.
Si Guo na presenteng nasa kustodiya kan Pasig City Jail huli sa kasong 26 counts kan pagbalgar sa Anti-Money Laundering Act (AMLA.
Nahahampang man ini sa five counts kan pagbalgar sa Section 4 (b) kan parehas na kaso huli sa pag-convert, pagbalyo asin pagbakal o gamit an instrumento o ari-arian.
Kaibahan man na nahahampang sa parehas na kaso an magurang kaini na sinda Jian Zhong Go asin Lin Wenyi siring man an mga tugang kaini na sinda Shiela asin Seimen asin 26 na iba pa na imbwelto sa operasyon ninda kan Philippine Offshore Gaming Operators (Pogo).
Basado sa 48 dahon kan resolution na iniluwas kan DOJ panel of prosecutors na an mga kita gikan sa POGO o Baofu compound na pagsasadiri kan Guo an ibinalyo sa ibang mga lehitimong negosyo kan pamilya.
Taong 2023 kan niraid kan mga otoridad an POGO sa Baofu compound kun saen nakaarestar sinda nin 300 na dayuhan na kadalasang mga Chinese citizen.
Kan nakalihis na Marso 13, 2024 an liwat na ni-raid an nasambitan ng lugar kontra ki Zun Yuan huli sa pagkaka-imbwelto sa labor trafficking, cryptocurrency scams, love scams asin investment fraud.
Pigkumpirmar ni Prosecutor General Richard Anthony Fadullon na naisunad na ninda an kaso sa korte sa Capas mantang an resolution an iniluwas kan nakalihis na Enero.
