Nagpakol na sa 26 an mga kasong may koneksyon sa flood control projects an isinunad kan Office of the Ombudsman sa Sandiganbayan laban sa nagkapirang senador asin kongresista.
Sa pagdangog kan Senado sa proposed budget kan Judiciary kasuudma aldaw nin Huwebes, kinumpirmar ni Presiding Justice of the Sandiganbayan, Atty. Geraldine Faith Econg na enot na isinampa kan Ombudsman an kaso kan November 18, 2025.
Nagkapira sa mga kasong ini nasa defense stage na,mantang sarong kaso naman an na-archive makalihis dai matunton an akusado.
Sigon ki Econg, posibleng magkaigwa nang desisyon sa mga kaso sa laog nin sarong taon kun masusunod an itinakdang proseso sa irarom kan Speedy Trial Act, pwede ining maipuli sa conviction o acquittal.
Advertisement
Advertisement
