Pigpaliwanag kan Duterte Youth party-list na an paggamit kan ibang apelyido kan saindang first nominee na si Drixie Mae Suarez-Cardema an para sa “name recall” o marikas na pagkabisto kan pangaran sa pulitika.
Sigun ki Ronald Cardema, Chairperson kan Duterte Youth asin agom kan dating representante na si Ducielle Marie Suarez-Cardema, tugang ni Drixie si Ducielle, kadaklan soboot sa mga legislador na gumamit nin political name kada puon kan kongreso.
Magigirumduman na nakaresiber nin batikos sa social media an party-list makalihis manutaran na dae magkaparehas an apilyedo ni Drixie sa saiyang Certificate of Nomination (CONA), kun saen soboot ginamit kaini an apelyidong “Cardema” imbes na tunay na apelyido na “Suarez”.
Sinaysay man ni Commission on Election (Comelec) Chairman George Garcia na maluwas an saindang Law Department nin show cause order tanganing imbestigaran an paggamit nin ibang apelyido, alagad nilinaw man kaini na dai ini nangangahulugan na igwa nin kaso na disqualification o election offense.
Dugang pa kaini, hihilingon kan Comelec an mga dokumentong isinumiter ni Drixie para sa 2025 midterm elections siringman an mga nakalihis na record kaini.
Magigirumduman na nagpanduwa an Duterte Youth sa party-list race kan nakalihis na Eleksyon 2025 makalihis makakua nin 2.3 milyong boto.
Apwera pa kaini, ipina-uktaba kan Comelec an saindang pormal na proklamasyon nin huli sa mga nakaambang isyu.
