Pinahigot pa an partnership kan NBA asin Japan B. LEAGUE, na pwedeng magbukas nin mas kadakol na oportunidad para sa mga Filipino imports na mawot makalaog sa biggest basketball league.
Sigun ki NBA Deputy Commissioner Mark Tatum, igwang mga pag-urulay mapadapit sa mas mahewas na collaboration sa tahaw kan NBA asin B. LEAGUE, orog na ta nahiling an talento sa Japan sa kakatapos pa sana na finals kan liga.
Saro sa mga posibleng mangyari iyo an mga kawat sa tahaw kan B.LEAGUE teams asin NBA G League, na pwedeng magin paagi para sa mga parakawat na makua an atensiyon kan NBA scouts.
Huli ta kadakol na mga Filipino an nagkakawat sa B. LEAGUE, kaibahan si Kai Sotto, an partnership na ini an pwedeng magin importante para sa sainda tanganing magkaigwa nin mas mahewas na exposure sa NBA.
Alagad maski mayo pang konkretong plano para sa mga exhibition games, sinaysay ni Tatum na igwang potensiya para sa mas dakulang proyekto sa futuro.
