Saro sa lambang sampulong kaso kan naikukurit na human immunodeficiency virus o HIV sa enot quarter kan taon an nakua sa paagi kan transactional sex o pakikipagtalik kan may karibay na kantidad.
Basado sa pigluwas na datos kan HIV and AIDS Surveillance of the Philippines, nagluluwas na mapakol sa 5,101 HIV cases an naikurit puon Enero hasta Marso kan presenteng taon.
Gikan sa nasambitan ng numero, mapakol sa 596 na kaso o katampad kan 12 percent an nakua sa paagi kan transactional sex sa laog kan nakalihis na 12 bulan.
Kinababalihan ini kan mga nagbabayad asin nagpapabayad para sa pakikipagtalik.
Puon kan naireport an transactional sex kan 2012, nagpakol na ngunyan sa kabilogang 16,586 an naikurit na kaso.
Sigun sa Department of Health, 54% katampad kan 8,962 gikan sa kabilogang kaso an may history kan transactional sex asin na diagnosed puon kan 2020 hasta 2025.
Enot nang nangangapodan an DOH sa Malacanang na magdeklarar nin Health Emergency tanganing masimbagan an padagos na paglangkaw kan HIV Cases sa nasyon.
