Aram baya nindo mga ka- bombo, si Dylan Phillips sarong car mechanic gikan sa Pembrokeshire, England, an kasuarin sanang nakapagkurit nin bagong Guinnes Record makalihis na makagibo kan pinakamarekas na Wheelbarrow sa kinaban na kayang mag-abot sa rekas na hasta 52 mph (84 km/h).
An ideya kan pinakamarekas na motorized wheelbarrow an nabilog sa sarong pub, alagad naisipan ni Phillips na saro sana ining klase nin bakong makabuluhang proyekto na mawot kaining gibuhon.
An 38-anyos na mekaniko an nagpuon pagtrabaho sa wheelbarrow sa saiyang shed sa Crymych, Pembrokeshire, asin dae naghaloy nagkaigwa ining working trial version.
Naabot kaini an 37mph sa sarong test drive, asin duman na kaini pigpuonang hilingon an world record para sa pinakamarekas na wheelbarrow sa kinaban.
Napag-araman nin Dylan na an record kan Guinness an nasa 46mph, asin nagdesisyon ini na liwat porbaran na hamunon ini.
