Sarong karangalan para sa Bicol an nakamit sarong graduate kan Philippine Science High School (PSHS) – Bicol Region Campus asin sarong summa cum laude graduate kan UP Diliman, nakamit nin onra para sa Bicol makalihis na makua an primer pwesto sa ikaapat na Materials Engineering Certification Examination.
Sa intrevista kan Bombo Radyo Naga ki Jan Francois Severo, Ranked No. 1 In The 4th Materials Engineering Certification Examination, sinabi kaini na bakong madali an saiyang preparasyon para sa exam huli kasabay kaini an magabat na academic work bilang sarong medical student. Nagpuon pa sana siyang mag-adal giraray kan Agosto, pirang semana bago an eksaminasyon, pakatapos nin tolong taon na dai niya paggamit kan saiyang kaaraman sa Materials Engineering.
Napangalas siyang marhay kan maaraman niyang siya an nanggana sa eksaminasyon. Sinabi nia na dai nia inaasahan an resulta huli ta dakol siang nagigirumdoman na sala pakatapos kan eksaminasyon asin naisip pa ngani nia na tibaad mabagsak sia.
Segun ki Severo, dakulang parte kan saiyang kapangganahan iyo an pundasyon na itinatao kan PSHS Bicol, partikularmente an mahigot na curriculum, mahusay na mga paratukdo, asin kulturang nagtutulod nin ekselente, kolaborasyon, asin independensya.
Pigtawan-duon man kaini sa mga hobenes na nangangarap nin trayumpo, inenkaminar niya sinda na sunudon an saindang sadiring mga kamawotan, dai magpadara sa panggigipit kan iba, asin dai magin masyadong masakit sa saindang sadiri. Tinawan niya nin duon na an buhay sarong padagos na proseso nin pag-adal asin pag-uswag.
