Nagtitinir na dae pang kalinawan an status ni Indiana Pacers star Tyrese Haliburton kun makakakawat ini sa Game 6 kontra Oklahoma City Thunder na nakatalaan sa Biyernes, June 20.
Enot na naireport kan Pacers na nagsapo an all-around guard nin strain sa saiyang walang tabay sa katahawan kan Game 5 asin kaipuhan kaini na magsairarom sa MRI tanganing maaraman kun gurano kalala an nasambitan ng injury.
Kun bebweltadahan an Game 5, bigla na sanang namate ni Hakiburton ang pagkulog kan saiyang tabay mantang nagdadalagan pasiring sa paint area nin mayong anuman na contact sa mga kapwa player.
Tulos ining nagpasiring sa locker room alagad dagos man giraray nagbweltada sa 2nd quarter.
Pirang minuto makalihis ini, liwat na nagbweltada sa locker room an Indiana star alagad dagos man na nagbweltada tulos.
Alagad maski naggibo pa kaining magkawat hasta matapos an laban, narisa man an saiyang maluyang paghiro asin dagos nang nalimitaran sana nin 4 points, 7 rebounds, asin anom na assists sa kabilogang Game 5.
Hasta sa presente, mayo nin kumpirmasyon an Pacers kun ano an presenten status kan calf injury ni Haliburton.
Siring man, sa sarong entrevista sa 1-time All-star makalihis ang laban, pigtawan-duon kaini na kun kaya kaining maglakaw, pipilion soboot kaini magkawat sa Game 6.
Nasa 3-2 an presenteng serye sa pag-ulatanan kan Thunders asin Pacers kasunod kan duwang magkasunod na trayumpo kan Thunder (Game 4, Game 5).
Gaganapon man sa homecourt kan Pacers ang G6.
