Pigtugutan nang makabweltada sa saindang kaharungan an haros 900 evacuees na primerong pig ibakwar huli sa mga serye nin pag-alburoto kan bulkang Kanlaon.
Basado sa opisyal na report, kabilogang 254 pamilya na katampad kan 897 katao an pigtugutang mag-decamp asin magbweltada sa saindang kaharungan, kasunod na man kan nagin rekomendasyon kan Disaster Risk Reduction and Management Council (CDRRMC) kan Canlaon City.
An mga nasambitan ng pamilya an labi sa anom na taon na nagtinir sa manlaen-laeng mga evacuation center gikan sa La Carlota City South Elementary School II, La Carlota North Elementary School, asin La Carlota City College-Cubay Campus.
Kasabay kan saindang pagpuruli, pigtugutan na man an saindang-mga aki na magbweltada sa face-to-face classess. Sa ibong kaini, hasta sa 64 pamilya o katampad nin 232 indibidwal an matinir pa man sa evacuation center sa Canlaon City nin huli ta apektado an saindang istaran sa direktang huma kan bulkan.
An harong kan mga ini an nasa laog kan itinalaang danger asin expanded danger zone. Padagos man na makakaresiber an mga ini nin tabang gikan sa gobyerno, mantang nagtitinir sa mga evacuation center.
