Dae mako-kontrol kan Pilipinas an mga kariribokan sa ibang panig kan kinaban alagad hurot ni House Ways and Means Committee Chairman asin Albay 2nd District Rep. Joey Salceda, pwedeng ipalaog sa 2026 proposed budget an preparasyon sa epekto kaini sa ekonomiya, kalakalan, orog na sa kasalbaduhan asin kapakanan kan mga Overseas Filipino Workers.
Mayor na tinukoy ni Salceda na siertuhong maipalaog sa nasambitan ng 2026 budget an P600 million o labi pa para sa repatriation asin serbisyong matao nin proteksyon sa mga kaharungan sa abroad, orog na an apektado kan tensyon sa parte kan Middle East.
Binanggit ni Salceda na laoman man an paglangkaw sa presyo kan produktong petrolyo na dapat ikonsiderar kan Development Budget Coordination Committee sa pagkarkulo sa ilalangkaw kan inflation kaiba an adjustment sa gastuson sa social protection programs para sa 2026.
Pig abisuhan man ni Salceda an posibleng pagkauktaba sa suplay nin abono, orog na an urea, kun magpadagos an kariribokan sa Gulf Region.
Kaya abiso pa ni Salceda sa Department of Agriculture, Bureau of Plant Industry, asin National Food Authority, magtagama nin pondo para sa logistics resilience asin buffer stock sa saindang 2026 budget proposals.
