Arestado an sarong soltero sa pigsagibong buy-bust operation kan mga otoirdad sa banwaan kan Lupi, Camarines Sur.
Binsito an suspek na si alyas Eddie, sarong soltero asin residente kan Brgy. Colacling, sa nasambitan ng banwaan.
Sa entrevista kan Bombo Radyo Naga ki PCpt. Abraham Cortez, Officer-In-Charge kan Lupi MPS, sinaysay kaini na an nasambitan ng suspek an pigkokonsiderar na sarong street level individual alagad haloy ng pigmomonitor kan mga otoridad huli naman sa mga report dapit sa pagkakaembwelto kaini sa mga ilegal na bulong.
Nakumpiskar sa operasyon an nasa pitong pidaso kan plastic sachet kan pinagtutubodang shabu na igwa nin gabat na poco mas o menus 1.7 gramo asin nagkakantidad nin P10,550.
Sa ngunyan, nasa kustodiya na kan mga otoridad an suspek para sa magkakanigong disposisyon.
Mientrastanto, an siring na illegal na aktibidad an saro sa mga pigtututukan kan saindang hepatura, na sainda manng padagos na pigkakampanya.
An nasambitan na kayang banwaan an marekas dumanan kan manlaen-laen na drug personality tanganing magsagibo kan siring na ilegal na gibuhon.
Sigun pa sa opisyal, haros gabos na nadadakop sa saindang pigsasagibong buy-bust operation an residente gikan sa ibang banwaan.
