Aram baya nindo mga ka-bombo, nagdara nin misteryosong bagay sa Indianapolis an nagtamang raot kan panahon.
Sigun sa mga residente kan area 19th Street asin North Pasadena Street,an nasambitan ng dome an nahiling sa tinampo makalihis an makusog na bagyo na nagtama sa lugar.
An kakaibang struktura na ini an nakaguno nin atensyon kan mga tawo na yaon sa area asin nagserbeng tourist attraction.
Pigsaysay kan ibang mga residente sa lugar na an bagay na ini an pig-aapod na”radome,” sarong istruktura na pigbilog tanganing proteheran an satellite antennae asin iba pang delikadong ikipahe gikan sa raot kan panahon.
Para man sa iba, an radome na gikan sa negosyo alagad dae maipaliwanag kan mga opisyal kun pano napadpad an kakaibang bagay na ini sa lugar.
Sa ngunyan, an nasambitan ng dome an pighali kan nakalihis na aldaw.
