Kadakol na mga kaharongan an nagrasay asin nadanyaran makalihis an pag-atake kan Iran sa Tel Aviv.
Ini an pirang oras sana makalihis an piglunsar na pag-atake man kan US sa kasuguan ni US President Donald Trump sa tolong nuclear sites kan Iran na nagmamarka sa pagbali kan Estados Unidos sa pig-aapod na pinakadakulang military action kontra sa Islamic Republic puon pa kan 1979 revolution.
Nagpromesa man an Tehran na saindang poproteheran an sadiri asin nagbalos sa paagi kan missiles strike sa Israel na ikinalugad kan mga tawo asin paglaraot kan mga kaharongan asin establishments.
Marurumduman na nagpakol sa haros 18 katawo an nalugadan sa Tel Aviv huli sa nasambitan ng opensiba.
Enot naman na nagpasalamt si Israeli President Isaac Herzog ki Trump huli sa makasaysayan na lakdang na mabago soboot sa posisyon kan Middle East.
Mientrastanto, pigsaysay man kan Iran na mapakol sa 400 katawo na an binawian nin buhay sa pag-atake kan Israel na halos mga civilians mantang sa Israel haros 24 civilians an nagadan.
