Igwa ng tulong katao an naaretar kan mga kapulisan huli sa panghahabon nin mga kable kan closed -circuit television (CCTV) cameras na ginagamit sa No-Contact Apprehension Policy (NCAP) program.
Sigun sa National Capital Region Police Office (NCRPO), na an mga suspeks an sarong 28-anyos na residente kan Makati City asin duwang 20-anyos na naka istar sa Mandaluyong City.
Basado sa ginibo kan imbestigasyon na nahiling kan mga personnel ninda an pagtitipong kan nagkapirang kalalakihan sa footbridge kan Guadalupe kun saen nangyari an panghahabon.
Digde man naaktuhan kan mga kapulisan an pagpuputol kan mga suspek kan cable kan mga CCTV.
Pigkakarkulong nagkakantidad nin 104,000 an cable na nakua sa mga suspek .
Nakatalaang sunadan nin mga kapulisan an mga naarestar na suspek. Marurumdumang nadiskubre kan Metropolitan Manila Development Authority (MMDA) na hinabon an mga cable nin mga CCTV sa overpass kan Guadalupe, Makati City kan nakalihis na Hunyo 24.
