Dae naitago ni World Boxing Council (WBC) Mario Barrios na nahahadit ini sa nararaning laban ki Pinoy boxing champion Manny Pacquiao. Sinabi kaini na aram niya an kasikatan ni Pacquiao kaya pinapahigot kaini ngunyan an saiyang ensayo.
Hurot pa kan 30-anyos na boxer na dae papabayaan na magtrayumpo an inaapod na legendary status ni Pacquiao.
Sa lado man ni Pacquiao, dagos-dagos ngunyan an ginigibong training na kun saen nagtitindi ini mantang paparani an an saindang laban.
Igwa nin record si Pacquiao na 62 kapangganahan , walong daog asin man duwang draw na igwang 39 knockouts mantang an Mexican boxer an igwang 29 kapangganahan, duwang pagkadaog, sarong daog na may 18 knockouts.
Huring naglaban si Pacquiao kan nakalihis na taong 2021 kun saen nadaog man ini sa kamot ni Yordenis Ugas.
Ikukundusir an laban kan duwa sa MGM Grand sa Las Vegas sa papaabuton na Hulyo 20 presenteng taon.
