Orog pa na nagkusog an deportation case kontra sa sinibak na alkalde ng Bamban, Tarlac na si Alice Guo kasunod kan hatol kan Manila Regional Trial Court (RTC) na nagdedeklarang ini an sarong Chinese national asin bakong Pilipino.
Sa sarong pahayag, sinaysay ni Bureau of Immigration (BI) Commissioner Joel Anthony Viado na haloy na man soboot nindang pigpuonan an deportation proceedings kontra ki Guo.
Pigkokonsiderar man kan BI na saro ining dakulang trayunpo para sa pambansang seguridad kan nasyon.
Pigsiwalat man soboot kan kaso kun pano nagibong malaog kan sarong dayuhan an posisyon sa gobyerno gamit an mga pekeng dokumento asin gibo-gibong pagkakabistohan.
An desisyon man kan korte na nagpapawarang bisa sa pagka-Alkalde ni Guo atsin opisyal na nagdedeklarar sa saiya na dae ini karapat dapat sa public office an nagpapatibay sa findings kan immigration records asin biometrics na ini an Chinese national na si Guo Hua Ping.
Pinakusog man soboot kan desisyon kan korte an saindang legal na basehan asin suporta sa nagpapadagos na paglalapigot kan gobyerno tanganing proteheran an satuyang borders asin mga institusyon.
Basado pa sa BI, haros sampulong bulan nang nasa kulongan si Guo huli sa patung-patong na kasong kinakahampang kaini kabali na an qualified human trafficking, money laundering, asin graft, gabos an igwa nin kinaaraman sa saiyang pagkakadawit sa transnational criminal network operating scam hubs sa Bamban, Tarlac.
Mientrastanto, nanindogan man an BI chief nin suporta sa nagpapadagos na mga imbestigasyon tanganing masierto na mapapanimbag si Guo sa irarom kan bilog na pwersa kan ley.
