Pigserbihan nin bagong si dating alkalde kan Bamban, Tarlac na si Alice Guo warrant of arrest sa 3 kaso nin pagbalgar sa Republic Act No. 3019 o Anti-Graft and Corrupt Practices Act.
An warrant ipinaluwas kan Pasig Regional Trial Court Branch 67 asin kabale an 11 iba pang mga indibidwal sa kaso.
An jusgado nagtalaan nin piyansa na P90,000 sa kada counts.
Si Guo presenteng detenido sa Correctional Institution for Women sa Mandaluyong City pagkatapos na an korte sa Pasig napag-araman na siya nagkasala nin qualified human trafficking asin sinentensyahan siya nin reclusion perpetua o buhay na pagkapreso.
Apwera ki Guo, an saiyang mga kaibang akusado na si Rachelle Malonzo Carreon, Jaimielyn Cruz, Walter Wong Rong, Wang Weili, Wuli Dong, Nong Ding Chang asin Nong Ding Chang nasentensiyahan man nin buhay na pagkapreso.
Pinagsugo man sindang magbayad nin multa na P2 milyones sa kada counts.
Ipinagboot man kan korte an pagkumpiskar kan P6-billion na Baofu compound, siring man an permanenteng rebokasyon kan rehistrasyon kan Baofu Land Development Inc., Hongsheng Gaming Technology Inc., asin Zun Yuan Technology Inc.
