NAGA CITY – Pigkundusir kasuodma, Hunyo 2, 2025 an Inaugural Session of the Sangguniang Panlalawigan sa Sangguniang Panlalawigan session hall sa banwaan nin Pili, Camarines Sur.
Sa nagin patara-tara ni Awel Llaguno, Board Member-4th District CamSur, sinaysay kaini na nagin miymbero ini kan sangguniang panlalawigan puon pa kan taong-1992, asin tuyong nagkakaigwa nin inaugural taon an pirmi soboot kaining pangapodan asin pigpapangadyi na igilid na an ‘partisan politics’ huli man ta importante an magtarabangan para sa ikararahay kan probinsiya nin Camarines Sur orog na partikularmente sa saindang distrito.
Katakod kaini, nagpasalamat man si Llaguno sa labi 100,000 na nagtiwala asin nagboto liwat sa saiya, siring man labi an pasalamat kaini sa mahal na diyos asin sa saiyang pamilya magin sa kaibahan kaini sa saiyang lado.
Pigheras pa kan opisyal, na sa pirang taon kaini sa posisyon mayo soboot ining personal na nakaiwal sa Sangguniang Panlalawigan, nagkakaigwa nin debate asin argumento alagad dae ini nagin sagabal sa pigtukawan kaining termino komo board member.
Sigun pa ki Llaguno, dae kaini pigkonsiderar an saiyang sadiri komo oposisyon, maski na igwa ining pigtuyaw sa mga resolutions asin ordinances na ipapasar, dae soboot boot sabihon na pigkokontra na kaini, huli man ta komo miyembro kan sangguniang panlalawigan dae sana ini nagtutukaw asin maghalat na aprobaran an resolution asin ordinansa na dae kaini naiintindihan an detalyes kan nasambitan ng mga papeles.
Pigtawan-duon pa kaini na makasupog soboot na kun igwang maghapot saiya mapadapit sa napag-urulayan ninda sa session hall na dae kaini aram, kaya ngunyan na mapuon na naman an saindang responsibilidad, padagos ining magigin ‘constructive physicalizer’.
