Pinili kan Senate Impeachment Court na sa July 29 na sana magpanumpa nin mga bagong senator-judges sa ibong kan pangapudan kan nagkapirang senador na ngunyan na gibuhon an oathtaking kan mga bagong hukom.
Paliwanag ni Impeachment Court Spokesperson Atty. Reginald Tongol, naglilikay sana si Senate President Chiz Escudero na makwestyon an saiyang awtoridad ngunan na 20th Congress bagaman nagtitinir pa man ining presiding officer asin Senate President.
Sinabi ni Tongol na mas marahay kun an bagong mahahalal na Senate President kan 20th Congress na iyong matindog na presiding officer an magpasumpa sa mga bagong senator-judges.
Asin man tangani sigurado, halaton na sana kan gabos an pormal na pagbubukas kan sesyon kan 20th Congress magin an pag-convene liwat kan impeachment court.
