Pigsaysay kan gobierno nin Hong Kong an saindang pagsuhestyon nin legislation na marekognisar sa limitadong derechos kan same-sex couples na an saindang kasal an nakarehistro sa ibang nasyon komo pagsunod sa court ruling.
Marurumduman, an top judges kan siyudad, pigtawan depinasyon an kasal komo para sa opposite-sex couples kan September 2023.
Alagad an parehas na ruling an pigsugo kan gobierno tanganing magkriar nin alternatibong framework sa laog nin duwang taon na iyong mabisto sa legal rights kan same-sex couples.
Sigun sa gobierno kan Hong Kong na marekomendar ini nin legislation na nagtutugot sa same-sex couples na mag-apply nin registration sa irarom kan bagong establisar na registration mechanism.
An proposal na ini an limitado sa healthcare-related rights siring kan hospital visits, paggibo nin medikal na desisyon, pagheras nin medical information asin organ donation siringman an derechos sa lawas kan nagtalikod na sa kinaban na karelasyon.
Tanganing magin eligible, an siisay man na couples an kaipuhan na legal na kasal sa ibang nasyon asin saro sa sainda an residente kan Hong Kong.
An lakdang an huli naman sa manlaen-laen na punto de vista kan komunidad dapit sa legal na pagbisto sa relasyon kan same-sex couples.
Kaipuhan soboot an malikay na deliberasyon, pagbalanse tanganing malikayan an kariribukan na makakaapektar sa bilog na nasyon.
