NAGA CITY – Pigtawan-duon kan sarong doktor an mga rason kun tano nagkakamate nin depresiyon an sarong tawo. Sa entrevista kan Bombo Radyo Naga ki Dra. Maria Mikaela P. Del Rosario – Pajo, MD, General Practitioner, Professor in Metropolitan Center College of Medicine, sinaysay kaini na an rason soboot sa depresiyon an masakit maintindihan kun saen an rason kaini an multi-factorial boot sabihon kadakol pwedeng magin kawsa para mag-abot sa nasambitan ng helang.
Dugang pa kaini, igwang duwang mayor na pwedeng posibleng rason kun tano nakakamate nin depression an sarong tawo iyo an genetic asin enviromental, kun saen pag sinabi soboot na genetics iyo itong igwang mga kaparientes na igwa sa lahi kan helang, kun siring halangkaw an tyansa na ma-develop ini sa masunod na henerasyon kan pamilya.
Siring man pag-abot sa nakapalibot sa sarong tawo, pwede man soboot ining magin rason kan depression siring na sana kan pressure na nakukua sa ibang tawo, asin igwang dinadarang magabat na problema orog na sa presenteng henerasyon sa mga kajovenan na iyong labing nakakamate kaini ngunyan na panahon.
Sigun pa ki Doktora Pajo, tanganing malikayan soboot an depresiyon pirmi ining mapuon sa sadiri, kun igwang mga pinag-aagihan na mga problema o kaya igwang nakakapag-stress sa sadiri pirming akuon kun ano man an pinag-aagihan sa buhay, siring man yaon an pamilya na pirming bukas asin safe space na madangog sa kaparientes na nakaka-eksperyensiya nin siring na helang.
Para man sa mga tawong pigsasabihan kan mga tawong may problema orog na sa kaparientes dapat magin bukas, asin dae pag-invalidate an namamatean kan sarong tawo, siring man ipamate soboot sa sainda na preparado kitang dangugon an saindang problema.
Sa ngunyan, mensahe na sana ni Pajo sa mga igwang pigdadarang magabat sa buhay sa presenteng panahon, dae masupog na maghagad nin tabang asin maglikay sa mga bagay asin tawo na dae nagtataong kamarhayan sa satuya, siring man tapuson an aldaw sa pagpangadyi, paghagad nin basbas sa mahal na diyos.
