Kinumpirmar kan Philippine Navy na isinasapinal na an inspeksyon para sa posibleng paglipat kan mga barkong pandigma gikan sa Japanese Maritime Self-Defense Force.
Sigun ki Philippine Navy Spokesperson Capt. John Percie Alcos, inimbitaran sinda kan Japanese Ministry of Defense para sa joint visual inspection kan nagkapirang Abukuma-class destroyer escort, mga barkong idinisenyo para sa anti-submarine asin anti-ship warfare.
Target kan Philippine Navy an mga siring na klase kan barko komo parte kan pagpapatibay sa seguridad asin proteksyon kan maritime domain kan nasyon.
Sigun ki Alcos, sa ngunyan, mayo pa nin destroyer nin huli ta Frigates asin corvettes pa sana an igwa
Mapadara nin mga eksperto an Pilipinas tangani masuri an kondisyon asin man kapasidad kan mga barko antes na magdesisyon kun kukuanon an mga ini.
Sa inisyal na report, nasa anom na unit kan destroyer escorts an planong itao kan Japan sa Pilipinas komo parte kan pinagtibay na alyansa asin obhetong mamantinir an katuninungan sa Indo-Pacific region.