Aram baya nindo mga ka-bombo, an surat na nakabugtak sa bote na pig-apod kan bisita sa kadagatan kan Newfoundland’s Bell Island an nakua sa baybayon kan Ireland makalihis an haros 13 taon na papataw-pataw sa Atlantic Ocean.
Sigun ki Kate Gay, mantang ini an naglalakaw-lakaw sa Dingle Peninsula beach kan mahiling an sarong wine bottle na igwang laog na papel sa laog.
Katakod digde, ipinahiling ni Gay an bote sa miyembro kan Creative Ireland Neart na Macharaí sa saindang meeting kun saen digde naman binuksan ini.
An surat an gikan sa magpartner na sinda Brad asin Anita asin igwang petsa na Sept. 12, 2012.
An nasambitan ng surat nakapalaman an nagin eksperyensiya kan duwa sa saindang pagbisita sa Bell Island.
Igwa soboot contact number sa surat alagad kan purbaran na apudan mayong nagsimbag.
Mientrastanto, an Maharees Heritage and Conservation group pig-post an ladawan kan bote sa social media asin makalihis sana an pirang oras saindang nakaribayan nin mensahe si Anita.
