Makakahampang ni dating Olympian boxer Eumir Marcial si Bernard Joseph kan US komo undercard sa laban ni Manny Pacquiao kontra ki Mario Barrios sa Las Vegas.
Sa orihinal kaya na listahan para sa walong round na laban kan 29-anyos na Tokyo Olympics bronze medalist si Mexican Alexis Gaytan an saiyang makakahampang.
Alagad huli sa sinapong injury kan kampo ni Gaytan nag-atras na ini sa laban.
Pigtalaan man na iribay ki Gaytan si Bernard Joseph kan Amerika.
Marurumduman, huring naglaban si Marcial kan nakalihis na taon kan daugon sa ikaapat na round sa paagi kan knockout si Thoedsak Sinam.
Mantang huring naglaban man an 35-anyos na American boxer kan nakalihis na bulan kan daugon ini ni Casey James Streeter sa Portland.
Igwang recod si Marcial na limang kapangganahan asin mayo pang daog mantang si Joseph an igwang 11 kapangganahan, duwang daog asin limang knockouts.
