Pigdeklarar komo majority draw an laban ninda Manny “Pacman” Pacquiao asin man Mario Barrios.
Boot sabihon kaini namantinir ni Barrios an saiyang titulo.
Pinatunayan ni “Pacman” na igwa pa ining dakul na natatada na kusog alagad dae bastante tanganing manggana kan world championship sa saiyang pagbweltada.
An Filipino boxing icon na si Manny “Pacman” Pacquiao nagbugtak nin sarong inspiradong pagganap sa partisan crowd sa MGM Grand Garden Arena sa Las Vegas, na nakikipaglaban sa mas hoben na defending champion na si Mario Barrios, sa saiyang pighahalat na pagbalik sa ring.
Sa edad na 46 anyos, ipinahiling ni Pacquiao na kaya pa niyang labanan an sarong boksingero sa saiyang prime, alagad ginibo man an gabos ni Barrios tanganing pugulan an beterano asin palawigon an saiyang pagreynar komo kampeonato sa WBC welterweight.
Nahiling kan judge an laban sa 115-113 pabor ki Barrios, mantang parehas nankua nin pantay na 114-114 para sa majority draw.
Boot sabihon an resulta, nagtitinir ki Barrios ang WBC welterweight championship.
Nagin obheto kuta ni Pacquiao na magin first fighter na manggana kan major world title makalihis mailuklok sa boxing’s Hall of Fame.
