Nag abot na sa 821 na pamilya an pig-ebakwar kan lokal na gobyerno dara man kan raot na kamugtakan kan panahon.
Sa pahayag kan Manila Department of Social Welfare (MDSW), pig ebakwar an nagkapirang pamilya huli na man sa paglangkaw nin baha sa nagkapirang parte kan syudad nin Maynila.
Nasa 2,823 na indibidwal an nagtitinir sa mga evacuation center siring kan sports complex, barangay hall, pampublikong eskwelahan, multi-purpose hall, cover court, asin man sports complex.
Kadaklan sa mga pig ebakwar iyo an mga naka-istar sa gilid kan estero asin man ilog Pasig, harani sa baybayon kan Manila Bay asin mga lugar na binabaha tuyong makusog an bulos kan uran.
Padagos man an monitoring asin paglilibot kan mga tauhan kan MDSW tangani maaraman an sitwasyon kan mga residente asin tulos na matabangan kun kinakaipuhan.
Nagheras na man nin mga pagkakan, inumon, asin iba pang pangangaipuhan an Manila local government unit (LGU) para sa mga residente ninda na nagtitinir sa evacuation centers.
