Mahigot nang binabantayan kan National Capital Region Police Office (NCRPO) an mga lugar na posibleng pagdausan nin mga protesta sa Setyembre 21, na iyo an anibersaryo kan deklarasyon kan
Kaiba digdi an nagkapirang lugar na harani sa EDSA, an Chino Roces Bridge (CRB) sa Mendiola, JP Laurel Street, Ayala Bridge, TIP Manila, San Sebastian Church, University of the East, asin iba pa.
Kasuudma, Setyembre 18, nagsagibo man nin walkthrough asin ocular inspection si NCRPO Officer-in-Charge Brig. Gen. Christopher Abrahano sa mga mayor na tinampo asin lugar sa Maynila bilang parte kan pagpreparar.
Segun ki Gen. Abrahano, kaipuhan na amay na maaraman an mga ruta na posibleng gamiton asin an mga lugar na pwedeng pagdausan nin mga aktibidad arog kan mga demonstrasyon, kilos-protesta, asin mga pagmartsa.
Pinagiromdom man kan heneral an mga pulis na magdanay na alerto mantang binabantayan an nasambit na mga lugar asin seguraduhon an kaligtasan asin kaayusan kan publiko.
Nagpelar man ini sa mga pulis na respetuhon an karapatan kan mga namamanwaan asin tugutan sinda na makapagkondukta nin matuninong na pagtitipon tanganing maipahayag an saindang saloobin.
