Pig-apod na bully asin duwag ni Philippine National Police (PNP) chief Gen. Nicolas Torre III si Davao City Acting Mayor Sebastian “Baste” Duterte kawsa kan pag-apod kaini sa saiya na unggoy asin dae pag-abot sa saindang charity boxing match kan nakalihis na Domingo sa Rizal Memorial Coliseum.
Sigun ki Torre, an pagbubutas nin tataramon ni Duterte an kawaran na nin pagrespeto sa tawo orog pa ta gikan sa sarong local executives.
Pigsaysay man ni Torre na dae na dapat pang pagsayangan nin oras asin panahon si Duterte na dae kayang hampangon an saiyang responsibilidad.
Dugang pa kan opisyal, an dae pagsipot ni Duterte sa saindang laban an indikasyon kan saiyang kaduwagan.
Bako sana soboot ini an enot na beses na tinakasan ni Duterte an saiyang laban.
Marurumduman, nagpakol sa haros P20 milyon cash asin P5 milyon mga donasyon na pagkakan asin gamit an natipon para sa mga biktima kan bagyong Crising asin Habagat.
Mientrastanto, pigsaysay man ni Torre na preparado ining magsairarom sa hair follicle drug test anuman na oras komo kasimbagan sa hamon ni Duterte na magpag-drug test an mga elected asin opisyal kan gobierno.
Komo sarong pulis anuman na hamon sa saiya an dae kaini tatalikudan.
