Nakiparte sa nagkapirang local basketball games si Memphis Grizzlies star Ja Morant kasabay kan saiyang pagbisita sa Pilipinas.
Nasa Pilipinas an 2-time NBA All-star komo parte kan saiyang international tour kun saen enot ining nagpasiring sa Japan asin China.
Kaibahan sa mga opisyal na parte kan saiyang schedule iyo an pakikiparte sa exhibition game sa tahaw kan De La Salle Zobel Junior Archers asin Team 12, sarong grupo kan mga bagitong basketball player na nagsisirbing representasyon kan barangay basketball, saro sa mga primerong ipinag-oorgulyo kan Pilipinas.
Apwera sa exhibition game, aktibo man na nakipagkawat an 2020 NBA Rookie of the Year sa mga bagitong Pinoy na nagdalan sa saiyang ipinamalas na kawat.
Pinagbigyan man ni Morant an kahagadan kan kadakol na fans na mahiling ining mag-dunk siring kan kalimitan kaining piggigibo tuyong NBA game.
Sa sarong entrevista, nagpasalamat an Grizzlies guard sa mainit na pagtanggap kan mga Pilipino sa saiya asin sa saiyang pamilya.
Nagin mainit man soboot an pagtangkilik kan mga Pilipino sa saiyang kawat maski na nagin halipot sana an saiyang pagtinir sa nasyon.
