Nakalikom na nin labi P10 million an Federation of Filipino Chinese Chambers of Commerce and Industry Inc. (FFCCCII) tanganing iheras sa mga biktima kan magkakasunod na kalamidad na nagtama sa nasyon.
Sigun ki FFCCCII president Dr. Victor Lim, an nasambitan ng pondo an iheheras sa mga biktima kan kalamidad sa Metro Manila asin iba pang probinsiya na primerong apektado siring kan Bulacan, Pampanga, Tarlac, Pangasinan, asin La Union.
Mapadagos soboot an paglikom kan pondo gikan sa iba pang miyembro kan grupo tanganing ma-sustain an pagheras kan supplies sa mga apektado kan kalamidad.
Inisyal nang ipinadara sa Manila an 10,000 bags na bagas mantang nakalinyada man an iba pang supplies para sa apektadong lugar.
Sigun pa ki Lim, prayoridad na mahatudan nin tabang an mga nasa evacuation center asin isolated communities sa mga nasambitan ng lugar.
Hasta ngunyan na aldaw, nagpakol na sa labi 9 million katawo an natukoy na apektado sa mga magkakasunod na kalamidad.
Ini an katampad kan labi 2.468 million pamilya gikan sa labi 9,000 barangay.
Nagtitinir na nasa laog kan evacuation center an kabilogang 61,836 katawo na katampad kan 16,596 pamilya.
