Nagtutubod si House Speaker Martin Romualdez na napapanahon an direktiba ni Presidente Bongbong Marcos na suspendiron an pag-aangkat nin bagas sa laog kan 60 aldaw magpuon sa September 1.
Obheto kan lakdang kan Presidente na protehiran an mga paraoma asin pagtatao nin pagkakataon na i-realign an mga prayoridad sa food security.
Labi pa soboot ini sa policy shift kundi pagtindog para sa mga paraoma asin sarong patunay na dae mababayaan an nagpapakakan sa lambang Pilipino.
Iniladawan ni Romualdez an desisyon kan Presidente na matapang na simbag sa mga agrangay mayn mga paraoma asin agriculture stakeholders na nangangapudan nin tabang laban sa baratong imported na bagas na nakakaapektar sa presyo kan lokal na paroy.
Masirbi soboot na importanteng oportunidad an duwang bulang na suspensyon tangani liwat na ibusol asin patatagon an pundasyon kan domestic rice industry.
Pighurot pa kan Speaker na haloy nang nagsasakit an mga paraoma asin kada panahon nin ani, labing nagbabaha nin imported na bagas asin dinodomina an merkado.
Pig inkaminar man ni Romualdez an mga ahensya kan gobyerno na gamiton an suspension period tangani habulon asin panimbagon an mga nasa likod kan hoarding, price manipulation asin iba pang mapang-abusong gibuhon na nakakaapektar sa mga paraoma asin consumers.
