Aram baya nindo mga ka-bombo, sarong Hardinero sa Indiana pigheras an ladawan kan saiyang pananom na sunflower.
Ini an igwang posibilidad na makaputan an Guinness World Record nin huli ta padagos na nagtatalubo.
Sigun ki Alex Babich’s an nasambitan ng sunflower nalampasan na an record kan US kan nakalihis na semana kan maabot kaini an 26 feet asin 8 inches na langkaw.
Pigsaysay pa ni Babich na an saiyang ataman na burak an padagos na nagtatalubo asin ngunyan haros dikit na sana an deperensiya sa presenteng Guinness World Record na nagpapakol sa 30-foot, 1-inch sunflower na yaon sa Germany kan taong 2014.
An siyudad kan Fort Wayne an nagtabang naman ki Babich para sa saiyang world record attempt sa paagi kan pagtatao nin cherry picker tanganing proteheran an sunflower na igwang pangaran na Clover.
Sa ngunyan, padagos na naglalaom si Babich na maipupuli an nasambitan ng titulo.
