Aram baya nindo mga ka-bombo, an mga kababaihan sa South Korea nagbabayad nin dakulang kantedad nin kwarta para sa pig-aapod na shoulder filler injections tanganing magkaigwa kan perpektong 90-degree na abaga.
An nasambitan ng trend an pinasikat kan mga K-pop idols orog na kan Blackpink member na si Jennie kan ilunsar kaini an kantang ‘Like Jennie.
Apwera digde, igwa man nagsasairarom sa ibang procedure siring kan Barbie Botox o Trap Botox, na kun saen ginigibong mas halaba asin slim an abaga asin liog.
Marurumduman, an Shoulder fillers na ini an nagin viral makalihis na an Korean content creator na si Yunny an nagbisita sa beauty clinic sa Seoul tanganing ma-achieve an Jennie look.
Alagad igwa man nagluwas online na an procedure an available naman pirang taon na antes na an viral na “Jennie shoulders an ma-establisar asin magin beauty standard sa Asia.
Sa ngunyan, dae pa matukoy kun igwang posibleng magigin problema sa salud an nasambitan ng procedure alagad nagdadakol an igwang kamawotan na ma-achieved ini.
