Ipinagsugo kan korte sa South Korea an pag-arestrar sa agom kan nakakulong na dating Presidente na si Yoon Suk Yeol.
Nagluwas nin arrest warrant an Seoul Central District Court kontra ki Kim Keon Hee kun saen nahahampang man ini sa manlaen-laen na krimen siring kan bribery, stock manipulation asin pakikiaram sa pagpili kan mga kandidato.
An pag-iimbestigar ki Kim an parte kan saro sa tolong special prosecutor na naglunsar kan imbestigasyon sa irarom kan bagong liberal government na target an pagkapresident ni Yoon.
Si Yoon an pighali sa puwesto kan Abril asin liwat na naarestrar kan Hulyo makalihis an pagpapautob kaini kan paramientras na martial law kan Disyembre.
Dae na nagtao pa nin pahayag si Kim kan mag-atender ini sa korte asin nasa kustodiya na kan detention center sa southern Seoul na suhay sa kulungan ni Yoon.
