Maduon na kinondena ni Washington DC Mayor Muriel Bowser an.pagde-deploy nin US National Guard troops sa Washington DC ini man an kasunod kan kasuguan ni U.S President Donald Trump kasunod soboot kan naeeksperyensyahang marahas na krimen sa syudad.
Martes nin pagka banggi kan ipalakop an mga tropa kan National Guard asin man mga armored vehicles sa mga urban centers asin tourist spots. Nilalaomang mapakol sa 800 tropa kan National Guard asin 500 federal agents an ipinakukuriyat.
Inapod man ni Bowser komo “authoritarian push” an.ginibong lakdang kan Presidente asin pinahimutikan an sinasabing naglalalang krimen sa syudad.
Sa ibong man na banda nagtaong huma man si Trump na gigibuhon an kaparehong aksyon sa New York asin Chicago, na parehong pinamamayuhan kan mga Democrat.
Sigun sa White House, 23 katao an naarestar kan federal agents kan nakalihis na Lunes nin pagka banggi huli sa mga kasong paggadan, pambabadil, iligal na droga, asin iba pa.
Sigun ki press secretary Karoline Leavitt, “This is only the beginning,” asin man nagpatanid nin mas kadakol pang pag-aresto sa mga masunod na semana.
Alagad nanindugan si Mayor Bowser sa sarong town hall na kaipuhang ipaglaban kan mga residente an kalayaan kan syudad. Pig inkaminar man kaini an publiko na suportaran an paghalal nin Democratic House tangani na magin “backstop” laban sa pamamayo ni Trump.
Pigreport man kan pulisya na bumaba nin 35% an nairehistrong marahas na krimen sa syudad kan nakalihis na taon, Alagad sigun sa nagkapirang grupo an datos an posibleng peke. Huli ta basado sa datos kan FBI nagrehistro sana ini nin nasa 9% na pagbaba.
