NAGA CITY- Pigbilog liwat kan lokal na gobierno kan siyudad nin Naga an Solid Waste Management Board (SWMB) para sa mas mahewas na partisipasyon kan mga namamanwaan.
Katakod digde, sa paagi kan Executive Order No. 027, pinahewas an komposisyon kan board kun saen kabali na digde an mga lideres kan manlaen-laen na civic organizations tanganing magtabang sa pag-develop kan solid waste management plan asin pag-integrate kan inibidwal na kaplanuhan siringman stratehiya kan mga barangay sa saindang kanya-kanyang hurisdikyon.
An nasambitan pa na kasuguan, nagmamandato sa padagos na konsultasyon sa manlaen-laen na sector kan komunidad sa pagbilog nin mga polisiya asin programa.
An mga nagkapira sa mga representate kan mga civic sector iyo an Presidente kan Rotary Club of Naga, Metro Naga Chamber of Commerce and Industry, Rural Improvement Club, Knights of Rizal–Naga City Chapter, Isarog Garden Society Foundation, Inc., Naga City Barangay Kalinigan-Warrior Federation, UP Alumni Association, asin an Naga councils of the Boy Scouts and Girl Scouts of the Philippines.
Yaon man an Naga Filipino-Chinese Chamber of Commerce and Industry, Naga City People’s Council, and the Council of the Laity of the Archdiocese of Caceres.
Mientrastanto, si Naga City Mayor Leni Robredo man an chairman kan nasambitan ng board.
An lakdang na ini saro sa mga paagi para sa mas inklusibo asin coordinated na pagsimbag sa kinakahampang na problema kan siyudad pag-abot sa waste management.
Nagtutubod an LGU-Naga na sa paagi kan pagtatarabangan sa lado kan government agencies asin civic organizations maipo-promoter an sustainability asin environmental responsibility.
