Pig-anunsyar kan Bureau of Customs (BOC) an paramientras na pagsuspinde sa Clearance Procedure sa irarom kan Green Lane tanganing gibuhong mas simple asin mas marekas an customs clearance para sa mga biyahero sa mga palupadan.
Sa Pilipinas kaya an mga nag-aabot na pasahero, kaipuhan na magparehistro sa eTravel app asin simbagan an Customs Declaration Form antes pa mag-abot.
Sarong QR Code an awtomatikong pigki-kriar para sa gabos kan pasahero, maski igwa o mayong pigdeklarar na good o kwarta.
Pag-abot sa nasyon, pigdidirekta an mga pasahero sa Green Lane kun mayo sindang kaipuhang i-declare asin sa Red Lane man kun may kaipuhan sindang i-declare.
Kaya man puon ngunyan na aldaw, dae na kaipuhan i-scan an QR code kan mga pasahero sa Green Lane.
An mga nasa Red Lane, kaibahan an mag deklarasyon asin an mga napili sa paagi kan random reasonable, o intelligence-based sa pagsusuri an kinakaipuhan na sanang magsairarom sa QR code scanning asin karaniwang nasa proseso kan customs clearance.
Pigtawan-duon ni Nepomuceno sa sarong pulong balitaa na pigpapahiling kan lakdang na ini an pagtutok kan ahensiya sa balanseng pagsasagibo kan mas marekas na proseso asin pagmamantinir kan mandato sa seguridad kan hanggangan.
Mientrastanto, personal man na sinuri ni Nepomuceno an bulos kan pasahero sa Customs Arrival Area kan Ninoy Aquino International Airport (NAIA) tanganing mahiling an presenteng sistema asin matukoy an mga kakulangan para sa pagpapakarhay.
