An House prosecution panel ngunyan tututukan na sana an artikulong “Unexplained Wealth” sa impeachment complaint kontra ki Bise Presidente Sara Duterte, matapos bawi’on an tulong iba pang artikulo.
An desisyon na ini nakabase sa testimoniya ni forensic analyst Atty. Alexander Cabrera, na nag-estima na sobra P800 milyon an dai maipaliwanag na yaman kan Bise Presidente.
Pinagpundo ni House Prosecutor Rep. Terry Ridon, “Dito na tayo tumutok. Ito po ang ebidensya para patunayan ’yung Article of Impeachment on Unexplained Wealth. We will rise or fall on the basis of unexplained wealth.”
An pagbawi kan Articles I, III, asin IV ipinahayag ni House Lead Prosecutor Rep. Gerville Luistro durante kan ika-39ng aldaw kan impeachment trial kan Oktubre 13.
Kaiba sa mga binawi an mga alegasyon manungod sa confidential funds, bribery, asin grave threats.
Sa paagi kaining lakdang, an prosecution panel ngunyan tututukan na an gabos na paghinguwa sa Article II, na manungod sa “Unexplained Wealth,” tanganing mapatunayan an mga alegasyon kontra sa Bise Presidente.
