Nagtutubod si Senate Majority Leader Joel Villanueva na makatitipid an gobyerno sa pagtabang kan pribadong sektor na solusyunan an problema sa baha sa Metro Manila.
Katakod na man ini kan boluntaryong clean up sa mga salog asin waterways na libreng iniaalok ni San Miguel Corp. President Ramon Ang sa gobyerno tangani maresolbar an pagbaha sa mga lugar tuyong igwa nin habagat asin bagyo.
Sigun pa ki Villanueva, bistado kaini si Ang na pirmeng igwa nin basehan an mga solusyong binabanggit asin kumunsulta man nin mga eksperto.
Kun kadakol man an siring ni Ang na matabang sa gobyerno, sigurado man na maitatagama sa ibang mga importante asin mapapakinabangan na proyekto an pondong para kuta sa flood control.
Inabisuhan man ni Villanueva na makipag-kordinar sa gobyerno an mga private sector tangani masierto na an disenyo o efforts na gigibuhon para sa flood control an naaayon sa master plan.
Naglalaom an lehislador na sa pagkakataong ini na binuksan ni Presidente Bongbong Marcos an problema sa flood control projects asin man sa nilalaomang pagtabang kan pribadong sektor an ganap na masisimbagan na an haloy na problema.
