Nagpirma nin manifesto an 18 Police Regional Directors tanganing ipahiling an saindang suporta ki Philippine National Police (PNP) Chief, PGen. Nicolas Torre III.
Ini an sa tahaw kan soboot nabibilog na turf war sa pambansang pulisya kasunod kan pagluwas kan National Police Commission (Napolcom) nin sarong kontrobersiyal na resolusyon na mistulang napapawarang-bisa sa otoridad ni Gen. Torre na mag-reassign kan nagkapirang senior police officials.
Nakasaysay sa nasambitan ng manifesto an pagtindog asin pagsuporta kan 18 regional director, kaibahan an nagkapirang mga nasasakupang police officials, sa liderato ni PGen. Torre.
Basado pa sa manifesto, dae natitinag an pagsuporta kan mga ini sa heneral asin sa PNP chain of command.Pigtawan-duon kan mga ini na an presenteng liderato kan PNO an nagin dalan tanganing mag-angat an kapabilidad kan mga personahes, magrekas an police service, asin nagpapatatag sa lambang miyembro kan pulisya – dalan para sa mas mahewas asin mas responsive na police organization.
Nagpromesa man an mga ini na matinir na mautob asin masunod sa gabo kan ‘lawful order’ kan liderato kan pambansang pulisya, kalakip kan paggampan sa saindang mga sinumpaang tungkulin komo miyembro kan PNP.
Kalakip kan manifesto an pangaran asin pirma kan 14 regional directors gikan sa Police Regional Office 1 hasta 13 asin mga RD kan Negros Island Region, National Capital Region Police Office, Bangsamoro Autonomous Region, asin Cordillera Administrative Region.
