Binisita kasuodma, Agosto 19 ni Presidente Ferdinand Marcos Jr an East Avenue Medical Center tanganing ipaaram sa mga sa satuyang mga kababayan an programa kan gobyerno na zero billing.
Mawot kayang masierto ni Presidente Marcos na an nasambitan ng programa an naipapautob sa gabos na mga DOH hopsitals sa bilog na nasyon.
Obheto man kan paglibot kan Presidente sa mga ospital iyo an kun naiintindihan kan mga empleyado kan hopsital an nasambitan ng programa.
Sigun sa Presidente basado sa mga nagin paglibot kaini sa mga hopsital nasusunod man kan mga ini an zero billing program kan gobyerno.
Pinasalamatan man kan Presidente an dedikasyon kan mga medical asin non-medical personnel huli man sa saindang kabayanihan sa pagtatao nin serbisyo.
Sigun sa Presidente, dae soboot nagbabago an higos, gitin asin dedikasyon kan mga doktor, nurse, medtech, staff asin non medical personnel kan mga ospital.
Pigtawan-duon kan Presidente na kun bako sa tiyaga, higos, asin dedikasyon kan mga healthcare workers, baka soboot mayo na ini asin hinalon na kan nakakagadan na COVID-19.
Kaya man sinaysay kan Presidente na marapat sana talaga sindang pasalamatan huli man ta sadyang dakula an puso kan mga healthcare workers.
Ginibo kan Presidente an pahayag sa pagbisita sa east avenue medical center kasuodma tanganing personal na mahiling an implementasyon kan zero balance billing system.
